७५ हजार धरौटी बुझाएर रिहा भए रास्वपा पूर्वसांसद ढाकाकुमार
काठमाडौं । लागूऔषध कारोबारमा संलग्न भएको आरोपमा पक्राउ परेका रास्वपा पूर्वसांसद ढाकाकुमार श्रेष्ठ रिहा भएका छन् । जिल्ला अदालत कास्कीका न्यायाधीश भोलानाथ ढकालको इजालसले श्रेष्ठलाई धरौटीमा छोड्न आदेश दिएको हो । श्रेष्ठ ७५ हजार रूपैयाँ धरौटी बुझाएर रिहा भइसकेको अदालतका सूचना अधिकारी सुरज अधिकारीले जानकारी दिए । पोखरा महानगरपालिका-९ पृथ्वीचोकस्थित दिया फार्मेसीका सञ्चालकसमेत रहेका ४८ […]
काठमाडौं । लागूऔषध कारोबारमा संलग्न भएको आरोपमा पक्राउ परेका रास्वपा पूर्वसांसद ढाकाकुमार श्रेष्ठ रिहा भएका छन् ।
जिल्ला अदालत कास्कीका न्यायाधीश भोलानाथ ढकालको इजालसले श्रेष्ठलाई धरौटीमा छोड्न आदेश दिएको हो ।
श्रेष्ठ ७५ हजार रूपैयाँ धरौटी बुझाएर रिहा भइसकेको अदालतका सूचना अधिकारी सुरज अधिकारीले जानकारी दिए ।
पोखरा महानगरपालिका-९ पृथ्वीचोकस्थित दिया फार्मेसीका सञ्चालकसमेत रहेका ४८ वर्षीय श्रेष्ठ २७ भदौमा पक्राउ परेका थिए ।
यसअघि गत साउन ३ गते पोखरा २ बसपार्कबाट ४२ वर्षीय प्रकाश थापामगर लागूऔषध त्रुपेन ९७ चक्कीसहित पक्राउ परेका थिए । त्यसको अनुसन्धानका क्रममा थापामगरले उक्त लागूऔषध दिया फार्मेसीबाट खरिद गरेको बयान दिएका थिए ।
त्यसको आधारमा जिल्ला अदालतबाट अनुमति लिइ फार्मेसी सञ्चालक श्रेष्ठलाई पक्राउ गरिएको थियो ।
मन्त्री बनाउन नेतृत्वले पैसा मागेको अभिव्यक्ति दिएपछि श्रेष्ठलाई रास्वपाबाले सांसदबाट निकालेको थियो ।
What's Your Reaction?