शनिश्चरे अस्पतालप्रति विश्वास बढ्दै : प्रसूती सेवा लिनेको दोब्बर बृद्धि
सन्तोष शर्माझापा, ११ असोज । झापाको अर्जुनधारास्थित शनिश्चरे नगर अस्पतालमा प्रसूती सेवा लिनेको संख्या दोब्बर बृद्धि भएको छ । नगर अस्पतालमा आमा सुरक्षाका कार्यक्रमसँगै शल्यक्रियासहितको प्रसूति सेवा शुरु भएपछि यहाँ प्रसूती सेवा लिनेको संख्या दोब्बर बृद्धि भएको हो । नगर अस्पतालमा चालू आर्थिक वर्ष २०८१/०८२ को हालसम्म ७६ जनाले प्रसूती सेवा लिएको अस्पतालका अभिलेख शाखा [...] The post शनिश्चरे अस्पतालप्रति विश्वास बढ्दै : प्रसूती सेवा लिनेको दोब्बर बृद्धि appeared first on Jhapa Online.
सन्तोष शर्मा
झापा, ११ असोज । झापाको अर्जुनधारास्थित शनिश्चरे नगर अस्पतालमा प्रसूती सेवा लिनेको संख्या दोब्बर बृद्धि भएको छ ।
नगर अस्पतालमा आमा सुरक्षाका कार्यक्रमसँगै शल्यक्रियासहितको प्रसूति सेवा शुरु भएपछि यहाँ प्रसूती सेवा लिनेको संख्या दोब्बर बृद्धि भएको हो । नगर अस्पतालमा चालू आर्थिक वर्ष २०८१/०८२ को हालसम्म ७६ जनाले प्रसूती सेवा लिएको अस्पतालका अभिलेख शाखा प्रमुख किरणकुमार खरेल जानकारी दिनुभयो । गत आव २०८०/०८१ मा ८३ जनाले सेवा लिएका थिए ।
आमा सुरक्षा कार्यक्रम अन्तरगत नमूना कार्यक्रम अन्तरगत संघीय सरकारबाट आवश्यक अत्याधुनिक उपकरण प्राप्त भएपछि प्रसूती गराउने आउने संख्या उल्लेख्य बृद्धि भएको अस्पतालका मेडिकल सुपरिटेन्डेन्ट डा. योगेश चेम्जोङले बताउनुभयो । “दक्ष जनशक्तिसँगै पूर्वाधार पर्याप्त भएकाले पनि आकर्षण बढ्दै गएको छ”, उहाँले भन्नुभयो, “सेवाग्राहीलाई गुणस्तरीय सेवा दिने प्रयास गरिरहेका छौं, सेवाग्राहीको विश्वास पनि बढिरहेको छ ।”
गत आवमा नगर अस्पतालबाट ७९ हजार आठ सय ६२ जनाले बहिरंग सेवा लिएका थिए भने चालू आवको भदौ महिनासम्म १७ हजार तीन सय ३४ जनाले सेवा लिएको अस्पतालले जनाएको छ ।
अस्पतालबाट गत आवमा आठ हजार नौ सय ४० जनाले भिडियो एक्स–रे, ११ हजार छ सय १८ जनाले एक्स–रे, चार हजार दुई सय ६५ जनाले ईसीजी सेवा लिएका थिए । चालू आवका भदौसम्म तीन हजार एक सय ११ जनाले एक्स–रे, दुई हजार दुई सय आठ जनाले भिडियो एक्स–रे र आठ सय ७७ जनाले इसीजी सेवा लिएका छन् ।
हालै नगर अस्पताललाई संघीय सरकारले ७६ लाख बराबरको स्वास्थ्य उपकरण प्रदान गरेको छ । अस्पतालको सेवाको स्तरबृद्धिका लागि संघीय सरकारले अत्याधुनिक प्रसूती शैय्या, ईसीजी मेसिन, फोटोथेरापी मेसिन एक÷एक थान, बिरामी शैय्या नौ थान, एक्स–रे मेसिन एक थान, बीपी सेट पाँच थान, ल्याब्रोटेरी माइक्रोस्कोप एक थान, सीटीजी मेसिन एक थान र पोर्टेबल भिडियो एक्स–रे मेसिन एक थान प्रदान गरेको हो ।
नगर अस्पताललाई सुविधा सम्पन्न बनाउने प्रयास भइरहेको अर्जुनधारा नगरपालिकाका नगरप्रमुख बलदेवसिंह गोम्देन तामाङले बताउनुभयो । नगर अस्पतालको नवनिर्मित भवन निर्माणका लागि सरकारले चालू आवमा रू सात करोड बजेट समेत विनियोजन गरेको उहाँले बताउनुभयो ।
नयाँ भवन सञ्चालनमा आएपछि सेवा समेत थप विस्तार हुने उहाँले बताउनुभयो । अस्पतालमा दुई जना चिकित्सक अत्यावश्यक रहेकाले मन्त्रालयमा माग गरिएको नगरप्रमुख गोम्देनले बताउनुभयो । “नगर अस्पतालाई नमूना बनाउने लक्ष्य नगरपालिकाको छ”, उहाँले भन्नुभयो, “नगर अस्पतालबाट आमा–नानीको सबै उपचार निःशुल्क गर्ने घोषणा गरेका छौं ।”
The post शनिश्चरे अस्पतालप्रति विश्वास बढ्दै : प्रसूती सेवा लिनेको दोब्बर बृद्धि appeared first on Jhapa Online.
What's Your Reaction?