विधानसभा चुनाव : महाराष्ट्रमा भाजपा नेतृत्वको महायुति अगाडि, झारखण्डमा झामुमो

काठमाडौं । भारतको महाराष्ट्र र झारखण्ड राज्यको विधानसभा चुनावको मतगणना जारी छ ।

२८८ विधानसभा सिट भएको महाराष्ट्रमा भाजपाको गठबन्धन महायुती २२० स्थानमा अगाडि रहेको छ । महाविकास अघाडी गठबन्धन ५५ सिटमा अगाडि रहेको छ ।

महायुतिमा बीजेपी, शिवसेना (एकनाथ शिन्दे) र एनसीपी (अजित पवार) दल समावेश छन् भने महाविकास अघाडी गठबन्धनमा कांग्रेस, शिवसेना (उद्धव ठाकरे) र एनसीपी (शरद पवार) छन् ।

लोकसभा प्रतिनिधित्वको हिसाबले महाराष्ट्र दोस्रो ठूलो राज्य हो र भारतमा विधानसभा संख्याको हिसाबले तेस्रो ठूलो राज्य हो।

यस्तै, झारखण्डका ८१ सिटमा पनि मतगणना जारी छ । प्रारम्भिक नतिजा अनुसार यहाँ झामुमो गठबन्धन ४० सिटमा अगाडि छ भने भाजपा गठबन्धन ३८ सिटमा अग्रस्थानमा छ ।