भियतनाममा डुङ्गा पल्टिँदा ३५ को मृत्यु, ११ जनाको उद्धार

एजेन्सी । भियतनाममा खराब मौसमका कारण एउटा पर्यटकीय डुङ्गा पल्टिँदा कम्तीमा ३४ जनाको मृत्यु भएको छ भने धेरै मानिसहरू बेपत्ता भएका छन्। दुर्घटना   लोकप्रिय पर्यटकीय गन्तव्य हा लङ बे मा भएको बीबीसीले जनाएको छ । डुङ्गामा सवार अधिकांश यात्रुहरू राजधानी हनोईबाट आएका भियतनामी परिवारहरू रहेको बताइएको छ। उद्धारकर्मीहरूका अनुसार भारी वर्षाले जीवित व्यक्तिहरूको खोजी कार्यमा […]

Jul 20, 2025 - 02:59
 0
भियतनाममा डुङ्गा पल्टिँदा ३५ को मृत्यु, ११ जनाको उद्धार

एजेन्सी । भियतनाममा खराब मौसमका कारण एउटा पर्यटकीय डुङ्गा पल्टिँदा कम्तीमा ३४ जनाको मृत्यु भएको छ भने धेरै मानिसहरू बेपत्ता भएका छन्। दुर्घटना   लोकप्रिय पर्यटकीय गन्तव्य हा लङ बे मा भएको बीबीसीले जनाएको छ ।

डुङ्गामा सवार अधिकांश यात्रुहरू राजधानी हनोईबाट आएका भियतनामी परिवारहरू रहेको बताइएको छ। उद्धारकर्मीहरूका अनुसार भारी वर्षाले जीवित व्यक्तिहरूको खोजी कार्यमा बाधा पुर्‍याएको छ । हालसम्म  ११ जनालाई सकुशल उद्धार गरिएकको छ।

भियतनामी सीमा सुरक्षा बल र नौसेनाले जारी गरेको विज्ञप्तिअनुसार, ‘वन्डर सीज’ नामक उक्त डुङ्गामा ५३ जना यात्रु सवार थिए। अचानक आएको आँधीका कारण डुङ्गा पल्टिएको थियो।

स्थानीय सञ्चारमाध्यमका अनुसार, डुङ्गा पल्टिएपछि एउटा हावाको खल्तीमा फसेका १० वर्षीय बालकलाई उद्धार गरिएको छ। आफ्ना बाबुआमासँग यात्रा गरिरहेका ती बालकले भियतनामनेट नामक सरकारी सञ्चारमाध्यमलाई बताए, “मैले गहिरो सास लिएँ… डुबुल्की मारें, त्यसपछि पौडी खेलें। मैले मद्दतको लागि चिच्याएँ, त्यसपछि मलाई एउटा डुङ्गाले तान्यो।”

भिएनएक्सप्रेसका अनुसार, हालसम्म फेला परेका शवहरूमध्ये कम्तीमा आठ जना बालबालिका छन्। बेपत्ता भएका धेरै मानिसहरूको खोजीका लागि उद्धार कार्य रातभर जारी रहनेछ।

प्रधानमन्त्री फाम मिन्ह चिन्हले मृतकका परिवारजनप्रति समवेदना व्यक्त गरेका छन्। सरकारको विज्ञप्तिमा भनिएको छ ‘अधिकारीहरूले दुर्घटनाको कारणबारे अनुसन्धान गर्नेछन् र “उल्लङ्घन गर्नेहरूलाई कडा कारबाही” गरिनेछ।’

क्वाङ निन्ह प्रान्तमा रहेको हा लङ बे सयौं साना टापुहरूले भरिएको छ। यो युनेस्कोको विश्व सम्पदा स्थल हो र सन् २०१९ मा यसले ४० लाख पर्यटकलाई आकर्षित गरेको थियो।

What's Your Reaction?

like

dislike

love

funny

angry

sad

wow

HamroGlobalMedia तपाईं पनि हाम्रो वेबसाइट मा समाचार वा आफ्नो विचार लेख्न सक्नुहुन्छ। आजै खाता खोल्नुहोस्। https://www.hamroglobalmedia.com/register