टाटा नेक्सन ईभीको एक वर्ष पूरा

काठमाडौं । सिप्रदी ट्रेडिङ कम्पनीले टाटा नेक्सन ईभीको नेपालीबजारमा विक्री वितरण प्रारम्भ भएको एक वर्ष बुधबार पूरा गरेको छ । ईभीको उत्पादन भारतको अग्रणी विद्युतीय गाडी निर्माता टाटा मोटर्सले  गरेको हो । नेपालमा विद्युतीय गाडीको अवलम्बनलाई नयाँ गति दिने उद्देश्यले सिप्रदीले नेक्सनइभी नेपालमा ल्याएको जनाएको छ । कम्पनीका अनुसार एक वर्षको छोटो अवधिमै यसले आफूलाई […]

टाटा नेक्सन ईभीको एक वर्ष पूरा

काठमाडौं । सिप्रदी ट्रेडिङ कम्पनीले टाटा नेक्सन ईभीको नेपालीबजारमा विक्री वितरण प्रारम्भ भएको एक वर्ष बुधबार पूरा गरेको छ । ईभीको उत्पादन भारतको अग्रणी विद्युतीय गाडी निर्माता टाटा मोटर्सले  गरेको हो ।

नेपालमा विद्युतीय गाडीको अवलम्बनलाई नयाँ गति दिने उद्देश्यले सिप्रदीले नेक्सनइभी नेपालमा ल्याएको जनाएको छ । कम्पनीका अनुसार एक वर्षको छोटो अवधिमै यसले आफूलाई एक लोकप्रिय विद्युतीय गाडीको रुपमा स्थापित गरेको छ । मुलुकको विद्युतीय गाडीको कुलबजारको बढी अंश नेक्सनइभी एक्लैले ओगटेको कम्पनीको दावी छ ।

यो सफलताको प्रमुख कारण आकर्षक वनावट, समुन्नत जिपट्रन प्रविधि, न्यून संचालन खर्च, उत्कृष्ट कार्यक्षमता रहेको कम्पनीले जनाएको छ । यसैगरी द्रुत चार्जिङ्ग क्षमता, लामो ब्याट्री आयु र समुच्च सुरक्षाका विशेषताहरुबाट यो सुसज्जित छ । “फास्ट चार्जिङ्ग” र “स्लो चार्जिङ्ग” दुवैको लागि चर्जिङ्ग स्टेसनको वृहत संजाल एवं अत्याधुनिक सुविधा सम्पन्न सेवा केन्द्रले गर्दा पनि नेक्सनइभीले आफूलाई सर्वोत्कृष्ट साबित गर्न सक्षम भएको हो ।

कम्पनीका अनुुसार यस गाडीलाई नेपालकै पहिलो एवं स्मार्ट इभी चर्जिङ्ग एप “इजी“एपमार्फत चार्ज गर्न सकिछ । यो एपको प्रयोग हाल १ हजार भन्दा बढी परिवारहरुले गरिरहेको कम्पनीले जनाएको छ । दक्ष कर्मचारी एवं भौतिक संशाधनहरुको प्रभावकारी परिचालन गरी सिप्रदीले नेक्सन इभीका हरेक ग्राहकहरुले घरमा चार्जर जडान गर्ने प्रक्रिया पनि संचालन गरिरहेको छ ।

यस कम्पनीको १६ डिसी फास्ट चार्जरको सबैभन्दा व्यापक संजाल रहेको छ भने हालसम्म होटेल, अस्पताल, बैंक, मल र रेस्टुरेन्ट जस्ता सार्वजनिक स्थानहरुमा १२० भन्दा बढी एसी चार्जरहरु जडान गरेको कम्पनीले जनाएको छ ।

कम्पनीका अनुसार नेक्सन इभी नेपालमा विक्रीवितरण भएको प्रथम वर्ष पूरा भएको अवसरमा आफ्नो ग्राहकहरुलाई लक्षित गर्दै विभिन्न कार्यक्रमहरुको आयोजना गर्दैछ । यस्ता कार्यक्रमहरुले उनीहरुको यस गाडीसँगको सम्बन्धलाई अझ विशेष बनाउने कम्पनीले विश्वास लिएको छ ।