यूएईले दियो नेपाललाई ८४ रनको लक्ष्य, कृश्माले लिइन् ४ विकेट

काठमाडौं । यू–१९ महिला विश्वकप एसिया छनोटमा यूएईले नेपाललाई ८४ रनको लक्ष्य दिएको छ ।

यूएईको अज्मानस्थित द सेभेन्स स्टेडियममा जारी खेलमा घरेलु टोलीले निर्धारित ओभरमा ९ विकेटको क्षतिमा ८३ रन बनाएको हो ।

यूएईका लागि समाइरा धरनिधर्कले ३० र रिनिता राजितले २० रन बनाएकी छन् ।

नेपालका लागि कृश्मा गुरुङले ४ विकेट लिइन् । रिया शर्माले र सीमा केसीले २–२ तथा रचना कुमारी चौधरीले १ विकेट लिइन् ।

टस जितेर यूएईले ब्याटिङ रोजेसँगै नेपाल बलिङमा उत्रिएको हो ।

यू–१९ विश्वकपमा छनोटमा हुनका लागि नेपाललाई फराकिलो अन्तरले जित्नु पर्नेछ ।