विश्वकप छनाेट : नेपालले आज विश्वविजेता वेष्टइण्डिजसँग खेल्दै
काठमाडौं । जिम्बावेमा जारी आईसीसी एकदिवसीय विश्वकप क्रिकेट छनोटमा नेपालले आज विश्व विजेता वेष्टइण्डिजसँग खेल्दैछ ।नेपाल र वेष्टइण्डिजबीचको खेल जिम्बावेकाे हरारे स्पोर्टस् क्लबमा नेपाली समय अनुसार दिउँसो पौने १ बजे सुरु हुनेछ । नेपालले वेष्टइण्डिजसँग पहिलाे पटक खेल्न लागेकाे हाे । नेपालले टी-२० र एकदिवसीय फर्म्याटमा वेस्टइण्डिजसँग अहिलेसम्म खेलेकाे छैन ।
वेस्टइण्डिज सन् १९७५ र १९७९ विश्वकपको च्याम्पियन टोली हो । वेष्टइण्डिजले सन् २०१२ र २०१६ को टी-२० विश्वकपकाे उपाधि समेत जितेको थियो ।नेपालले असार ९ गते नेदरल्याण्ड्सँग खेल्नेछ । असार ३ गते भएकाे आफ्नाे पहिलाे खेलमा नेपाल घरेलु टाेली जिम्बावेसँग ८ विकेटले पराजित भएकाे थियाे । असार ५ गते भएकाे आफ्नाे दाेस्राे खेलमा भने नेपालले अमेरिकालाई ६ विकेटले हराएकाे थियाे ।
विश्वकप छनाेटकाे समूह 'ए' मा नेपाल, वेस्टइण्डिज, जिम्बावे, अमेरिका र नेदरल्याण्ड्स छन् । समूह 'बी' मा आयरल्याण्ड, श्रीलंका, युएई, स्कटल्याण्ड र ओमान छन् ।शीर्ष ३ टोलीले सुपर सिक्समा ठाउँ बनाउने छन् र सुपर सिक्समा अर्काे समूहबाट आउने ३ टोलीसँग खेल्नेछ । शीर्ष २ टोलीले विश्वकपमा ठाउँ बनाउनेछन् ।
What's Your Reaction?