चलेन भुर्तेलको ब्याट र बल, जनकपुरको सनसनीपूर्ण प्रदर्शन (तस्वीरहरू)

काठमाडौं । नेपाल प्रिमियर लिग (एनपीएल)मा जनकपुर बोल्ट्सले पोखरा एभेन्जर्सलाई पराजित गरेको छ ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा बिहीबार भएको खेलमा जनकपुरले पोखरालाई ७ विकेटले पराजित गरेको हो ।

जनकपुरको यो लगातार तेस्रो जित हो भने पोखराको दोस्रो हार ।

पोखराका भरपर्दो ब्याटर र बलर कुशल भुर्तेलले राम्रो प्रदर्शन गर्न नसक्दा टोलीले जित निकाल्न सकेन । भुर्तेल आजको खेलमा ६ रनमा आउट भएका थिए भने १ विकेट लिए ।

यता, जनकपुरले लगातार तीन खेल जितेको छ । उसले हरेक खेलमा सनसनीपूर्ण प्रदर्शन गर्दै आएको छ ।

जनकपुरले यसअघि विराटनगर र कर्णाली याक्सलाई हराएको थियो । यता, पोखरा भने पहिलो खेलमा चितवन राइनोजसँग पराजित भएको थियो ।