कर्णालीले दियो चितवनलाई १७६ रनको लक्ष्य, दुई ब्याटरको अर्धशतक

काठमाडौं । एनपीएलमा कर्णाली याक्सले चितवन राइनोजलाई १७६ रनको लक्ष्य दिएको छ ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी एलिमिनेटर खेलमा कर्णालीले पूरै ओभर खेलेर ६ विकेटको क्षतिमा १७५ रन बनाएको हो ।

कर्णालीका लागि जयकिशन कोसावाला र विलियम बोसिस्टोले अर्धशतकीय पारी खेले । कोसावालाले ३९ बलमा ६ चौका र २ छक्का प्रहार गरे ।

बोसिस्टोले ३७ बलमा अर्धशतक पूरा गरेका हुन् । सो क्रममा उनले ३ चौका र २ छक्का प्रहार गरे ।

च्याडविक वाल्टनले अविजित ४६ रन बनाए ।

चितवनका लागि भने सोहेल तनवीरले २ तथा कुशल मल्ल, शरद भेषवाकर र रवि बोपाराले १–१ विकेट लिए ।

यस खेलको विजेताले दोस्रो क्वालिफायरमा स्थान पक्का गर्नेछ । पराजित टोलीको भने एनपीएलको यात्रा समाप्त हुनेछ ।