काठमाडौंमा तीनवटा बाहेक सबै ठाउँ निषेधित क्षेत्र

काठमाडौं । राजसंस्था पक्षधरको आन्दोलनलाई मध्यनजर गर्दै प्रशासनले काठमाडौंका तीनवटाबाहेक सबै ठाउँकलाई निषेधित क्षेत्र घोषणा गरेको छ ।

सिफल चौर क्षेत्र, कोटेश्वर आकाशे पुलिदेखि दक्षिण बालकुमारीतर्फको क्षेत्र र बल्खु क्षेत्रबाहेक अन्य सबै ठाउँलाई निषेधित क्षेत्र घोषणा गरिएको जिल्ला प्रशासन कार्यालय काठमाडौंले जनाएको छ ।

यसैबीच नवराज सुवेदी नेतृत्वको संयुक्त जनआन्दोदन समिति र राप्रपाले पनि राप्रपा अध्यक्ष कमल थापालगायतलाई पक्राउ गरेको विरोधमा थप आन्दोलन गर्ने भएका छन् । समितिले त सोमबारलाई काठमाडौं उपत्यका बन्दको समेत घोषणा गरिसकेको छ ।

आन्दोलन थप चर्किने देखिसँगै प्रशासनले निषेधित क्षेत्र पनि थपेको हो । आइतबार बसेको जिल्ला सुरक्षा समितिको बैठकले यस्तो निर्णय गरेको हो ।

बढीमा दुई महिना यी तीनबोहक सबमौ निषेधाज्ञा जारी रहने काठमाडौंका प्रमुख जिल्ला अधिकारी ऋषिराम तिवारीले बताए ।

जनगुनासोलाई सम्बोधन गर्दै काठमाडौंका मुख्य क्षेत्रलाई निषेधित क्षेत्र घोषणा गरिएको प्रशासनले जनाएको छ ।

राप्रपालगायत राजावादी संगठनले आइतबार नारायणचौरमा विरोध प्रदर्शन गरेका थिए । अबदेखि त्यहाँ पनि निषेधित क्षेत्र हुनेछ ।

राजावादीद्वारा सोमबार उपत्यका बन्द घोषणा