सुप्रिम सहकारी ठगी प्रकरण : आजको बहस सकियो

काठमाडौं । सुप्रिम सहकारी ठगी प्रकरणको मुद्दामा आजको लागि थुनछेक बहस सकिएको छ ।

समय अभावका कारण आजको लागि बहस सकिएको र भोलि निरन्तरता दिइने अदालतका सूचना अधिकारी अनन्तराज मरासिनीले जानकारी दिए ।

बिहीबार सरकारी वकिलहरुले बहस गरेका छन् । साथै, जाहेरवालाका तर्फबाट दिनेश त्रिपाठीले पनि बहस गरेका छन् ।

न्यायाधीश पल्हादकुमार योगीको एकल इजलासमा बिहीबारदेखि थुनछेक बहस सुरु भएको हो ।

थुनछेक बहस सकिएपछि पूर्वउपप्रधान एवं गृहमन्त्रीसमेत रहेका लामिछानेलाई अदालतले पुर्पक्षका लागि थुनामा पठाउने, धरौटीमा छोड्ने वा साधारण तारेखमा छोड्नेमध्ये एउटा आदेश हुनेछ ।

सुप्रिम सहकारी संस्थाको रकम ठगी प्रकरणमा लामिछानेसहित ४२ जनाविरुद्ध रुपन्देही जिल्ला अदालतमा गत आइतबार मुद्दा दर्ता भएको थियो  । लामिछानेसँग ४ करोड रुपैयाँभन्दा बढी बिगो माग गरिएको छ ।