सभापति कप : एपीएफलाई पन्छाउँदै मछिन्द्र सेमिफाइनलमा (तस्वीरहरु)

काठमाडौं। दशरथ रंगशालामा जारी सभापति कप फुटबल प्रतियोगिता २०८१ को दोस्रो दिनको खेलमा एपीएफ क्लबलाई १ गोलले हराउँदै मछिन्द्र क्लब विजयी भएको छ। यो जीत संगै मछिन्द्रले सेमिफाइनलको यात्रा तय गरेको छ।

खेलको दोस्रो हाफको इन्जुरी समयमा जर्सी नम्बर २ का सनिष श्रेष्ठको गोलले मछिन्द्र विजयी भएको हो। खेलको म्यान अफ द म्याच पनि सनिष नै भएका छन्।

मछिन्द्रले अब माघ १४ गते हुने पहिलो सेमिफाइनलमा संकटाको सामना गर्नेछ। प्रतियोगितामा आयोजक बागमती सहित कुल ८ टिमको सहभागिता रहेको छ।

प्रतियोगितामा पहिलो हुने टिमलाई नगद २६ लाख र दोस्रो हुने टिमलाई नगद १३ लाख प्रदान गरिने छ।

तस्वीरहरु-