संसद्को गतिरोध अन्त्यबारे छलफल गर्न ओली र देउवाबीच बालुवाटारमा छलफल, गृहमन्त्री लेखक पनि सहभागी

काठमाडौं । संसद्को गतिरोध गन्त्य गर्नेबारे छलफल गर्न प्रधानमन्त्री केपी शर्मा ओली र नेपाली कांग्रेसका सभापति देउवाबीच अहिले बालुवाटारमा भेटवार्ता जारी छ ।

दुई नेताबीच बुधबार बिहान साढे १० बजेदेखि छलफल जारी गरेको प्रधानमन्त्रीका प्रेस संयोजक प्रकाश सिलवालले नेपालभ्युजलाई जानकारी दिए ।
छलफलमा गृहमन्त्री रमेश लेखक पनि सहभागी छन् ।

यतिबेला भिजिट भिसा प्रकरणमा मुछिएका गृहमन्त्री लेखेको राजीनामा माग गदै प्रतिपक्षी दलहरूले संसद् अवरुद्ध गरिरहेका छन् ।

जसले गर्दा आज बिहान ११ बजेका लागि बोलाइएको प्रतिनिधिसभा बैठक बस्न सकिरहेको छैन ।

यसैबीच बिहीबार सरकारले संसद्मा बजेट प्रस्तुत गर्ने कार्यक्रम छ । यसैले संसद्को गतिरोध, गृहमन्त्री प्रकरणलगायत विषयमा बालुवाटारमा छलफल भइरहेको हो ।