काभा महिला भलिबल : सेमिफाइनल खेल आज, नेपालले काजकिस्तानसँग खेल्दै

काठमाडाैं । काठमाडाैंमा जारी एनएससी काभा महिला भलिबल च्यालेञ्ज कपमा आज सेमिफाइनलका खेलहरु हुँदैछन् ।त्रिपुरेश्वरस्थित राष्ट्रिय खेलकुद परिषद् (राखेप) को कभर्ड हलमा हुने सेमिफाइनल खेलमा नेपालले काजकिस्तानसँग खेल्दैछ । समूह 'ए' को उपविजेता बन्दै सेमिफाइनलमा पुगेकाे नेपालले समूह 'बी' को विजेता काजकिस्तानसँग खेल्न लागेकाे हाे ।

नेपाल र काजकिस्तानबीचकाे खेल साँझ ५ बजे सुरु हुनेछ । समूह चरणमा किर्गिस्तान र बंगलादेशलाई सोझो सेटमा हराएको नेपाल भारतसँग ३-१ को सेटमा पराजित भएकाे थियाे ।

काजकिस्तानले समूह चरणमा माल्दिभ्स, श्रीलंका र उज्वेकिस्तानलाई हराएकाे थियाे ।त्यसअघि आजै हुने पहिलाे सेमिफाइनल खेलमा समूह 'ए' को विजेता भारत र समूह 'बी' को उपविजेता उज्वेकिस्तान भिड्ने छन् ।