क्रिजमा जम्दै मल्ल र बोपारा

काठमाडौं । एनपीएलमा कर्णाली याक्सविरुद्ध चितवन राइनोजले १० ओभरमा ८१ रन बनाएको छ ।

चितवनले १० ओभरमा ३ विकेटको क्षतिमा ८१ रन बनाएको हो । क्रिजमा कप्तान कुशल मल्ल र रवि बोपारा छन् ।

यसअघि चितवनले पहिलो ६ ओभरमा ३ विकेटको क्षतिमा ४७ रन बनाएको थियो ।

पहिलो ओभरको पाँचौं बलमा चितवनका ओपनर हसन इसाखिल १ रनमा आउट भए । उनलाई कर्णालीका कप्तान सोमपाल कामीले आउट गरे ।

२.४ ओभरमा सोमपालले नै चितवनका अर्का ‌ओपनर विपिन रावललाई १८ रनमा आउट गरे । ५.५ ओभरमा लुक बेन्केनस्टाइन १६ रनमा आउट भए । उनलाई जिशन मक्सुदले आउट गरेका हुन् ।

कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी खेलमा कर्णालीले दिएको १७६ रनको लक्ष्य चितवनले पछ्याइरहेको छ ।