मोहम्मद आमिरले फेरि गरे सन्यासको घोषणा

काठमाडौं । पाकिस्तानी क्रिकेट टोलीका फास्ट बलर मोहम्मद आमिरले शनिबार अन्तर्राष्ट्रिय क्रिकेटबाट सन्यासको घोषणा गरेका छन् ।

आमिरले भने, ‘धेरै सोचविचारपछि मैले अन्तर्राष्ट्रिय क्रिकेटबाट सन्यास लिने कठिन निर्णय लिएको छु । यी निर्णयहरू कहिल्यै सजिलो हुँदैनन्।’

‘मलाई लाग्छ कि यो अर्को पुस्ताको लागि लगाम सुम्पने र पाकिस्तान क्रिकेटलाई नयाँ उचाइमा पुर्‍याउने सही समय हो।’

आमिरले भने, ‘मेरो देशको प्रतिनिधित्व गर्नु मेरो जीवनको सबैभन्दा ठूलो सम्मान हो र सधैं रहनेछ।’

उनले पीसीबी, आफ्नो परिवार, साथीहरू र आफ्ना प्रशंसकहरूलाई धन्यवाद दिएका छन् ।

आमिरले यसअघि पनि सन्यास लिएका थिए तर, फिर्ता लिएर पाकिस्तानका लागि टी–२० विश्वकप खेलेका थिए ।