रोहितलाई पछि पार्दै रवि बने एनपीएलका सबैभन्दा बढी रन बनाउने खेलाडी

काठमाडौं । चितवन राइनोजका रवि बोपारा जारी नेपाल प्रिमियर लिग (एनपीएल) क्रिकेटमा हालसम्म सर्वाधिक रन बनाउने खेलाडी बनेका छन् । उनले लुम्बिनी लायन्सका कप्तान रोहित पौडेललाई उछिनेका हुन् ।

बुधबार भएको एलिमिनेटरमा ५३ रन बनाएपछि उनले रोहितलाई उछिनेका छन् । इंग्लिस खेलाडी रविको रन संख्या २८६ पुगेको छ ।

टोली खराब प्रदर्शन गर्दै पहिलो चरणबाटै बाहिरिए पनि नेपाली राष्ट्रिय टोलीका कप्तानसमेत रहेका रोहितको प्रदर्शन व्यक्तिगत रुपमा भने उच्च रहेको थियो । उनले सात खेलमा २७९ रन बनाएका थिए । उनले पोखरा एभेन्जर्सविरुद्ध बनाएको ९५ रन सर्वाधिक हो ।