अमेरिकाले सिरियाका विद्रोही नेताको टाउकोमा राखेको १० मिलियन डलर इनाम हटायो

काठमाडौं । अमेरिकाले सिरियाका विद्रोही नेता अहमद अल-शारालाई पक्राउ गरेकोमा टाउकोमा राखिएको इनाम हटाएको छ ।

शारामाथि अमेरिकाले १ करोड डलर (करिब ८५ करोड रुपैयाँ) इनाम राखेको थियो ।

अमेरिकाले वरिष्ठ कूटनीतिज्ञ र हयात तहरीर अल-शामका प्रतिनिधिहरूसँगको भेटपछि यो कदम चालेको हो । शारा विद्रोही समूह हयात तहरीर अल-शामका प्रमुख हुन् ।

अमेरिकी सहायक विदेशमन्त्री बारबरा लीफले सारासँगको वार्ता ‘धेरै फलदायी’ भएको र सारा निकै ‘व्यावहारिक’ भएको बताएका छन् ।

सिरियाली राष्ट्रपति बशर अल असदलाई सत्ताबाट हटाएपछि अमेरिकी प्रतिनिधिमण्डल सिरिया पुगेको थियो । अमेरिकाले अझै पनि अहमद अल-शाराको सङ्गठन हयात तहरीर अल-शामलाई आतङ्कवादी सङ्गठन मानेको छ ।

हयात तहरीर अल-शामको अल कायदासँग सम्बन्ध छ, त्यसैले अमेरिकाले उनीमाथि एक करोड डलरको इनाम राखेको थियो ।

अल-जुलानी : जसले अन्त्य गरे असदको २४ वर्षे शासन