टाइगर कप : महिलातर्फ एपीएफ र पुरुषतर्फ पुलिस फाइनलमा

काठमाडौं। टाइगर कप भलिबलको महिलातर्फ एपीएफ र पुरुषतर्फ नेपाल पुलिस क्लब फाइनलमा पुगेको छ ।

पोखरा रङ्गशालास्थित भलिबल कोर्टमा शुक्रबार भएको महिलातर्फ दोस्रो क्वालिफायर खेलमा एपीएफले टाइगर ग्रुपलाई ३–१ को सेटमा पराजित गरेको हो । अपराजित रहँदै एपीएफ फाइनलमा पुगेको हो ।

एपीएफले टाइगर ग्रुपलाई पहिलो सेटमा २५–२०, तेस्रोमा २५–१९ र चौथो २६–२४ ले पराजित गरेको हो । दोस्रो सेटमा भने टाइगर ग्रुपले एपीएफलाई २५–२१ ले पराजित गर्‍यो ।

अब दोस्रो क्वालिफायरको विजेताले एपीएफसँग फाइनलमा प्रतिस्पर्धा गर्नेछ । दोस्रो क्वालिफायरमा टाइगर ग्रुप र एलिमिनेटर विजेता न्यु डायमण्ड स्पोर्टस् क्लबबीच खेल हुनेछ ।

यस्तै, अर्को खेलमा पुरुषतर्फ पुलिसले त्रिभुवन आर्मी क्लबलाई ३–२ को सेटमा पराजित गर्‍यो ।

पुलिसले आर्मीलाई पहिलो सेटमा २५–१४ र तेस्रो सेटमा २५–२२ ले पराजित गर्‍यो । पुलिसले दोस्रो सेट २२–२५ र चौथो सेट २३–२५ ले गुमायो ।

यद्यपि, पाँचौ सेट भने पुलिसले १५–१२ ले जित्यो ।

अब आर्मीले फाइनल प्रवेशका लागि दोस्रो क्वालिफायरको विजेतालाई पराजित गर्नुपर्ने हुन्छ ।

दोस्रो क्वालिफायरमा गण्डकी प्रदेश र भारतीय क्लबबीचको प्रतिस्पर्धा हुनेछ । पुलिसले भने फाइनलमा दोस्रो क्वालिफायरको विजेतासँग प्रतिस्पर्धा गर्नेछ ।