कुम्भ मेला : स्कारपियो दुर्घटना हुँदा चार नेपालीको मृत्यु

झापा, १० फागुन । भारतको युपि राज्य अन्तर्गत प्रयागराज (कुम्भ) स्नान गरेर फर्किँदै गर्दा स्कारपियो गाडी दुर्घटना हुँदा चार जना नेपालीको घटनास्थलमै मृत्यु भएको छ ।

शुक्रवार युपिको गोरखपुरमा विपरीत दिशाबाट गइरहेको ट्याक्टर र भक्तजन सवार स्कारपियो एक आपसमा ठोकिँदा सप्तरीको कञ्चनरूप नगरपालिका–७ का अन्दाजी ६३ वर्षीय पर्शुराम चौधरी, उपेन्द्रनारायण चौधरीकी अन्दाजी ६२ वर्षीया पत्नी लिलावती देवी र कञ्चनरुप–५ की ५५ वर्षीया हरिहरदेवी यादव तथा सुनसरीको कुशाहा गाउँपालिका–१ की समतोलिया देवी यादवको मृत्यु भएको पारिवारिक स्रोतले जनाएको छ ।

दुर्घटनामा कञ्चनरुप ७ का शिक्षक उपेन्द्रनारायण चौधरी, जितु यादव लगायत छ जना गम्भीर घाइते भएका छन् । उनीहरूलाई गोरखपुरको स्थानीय अस्पतालमा उपचार भइरहेको छ ।

The post कुम्भ मेला : स्कारपियो दुर्घटना हुँदा चार नेपालीको मृत्यु appeared first on Jhapa Online.