५ लाख बढी ट्रामाडोल क्याप्सुलसहित २ जना पक्राउ, थप अनुसन्धान हुँदै

काठमाडौं । मनोद्दिपक पदार्थ ट्रामाडोल ५ लाख बढी क्याप्सुल सहित २ जना पक्राउ परेका छन् । लागुऔषध नियन्त्रण व्यूरो कोटेश्वरबाट खटिएको प्रहरी टोलीले ५ लाख ६४ हजार १ सय क्याप्सुल सहित २ जनालाई पक्राउ गरेका हुन् ।

प्रहरीका अनुसार मंसिर ८ गते ललितपुर माहांकाल बस्ने ३३ वर्षीय सुधिर लामिछानेलाई ३० हजार ट्रामाडोल क्याप्सुलसहित पक्राउ गरिएको हो । यता मंसिर ९ गते पर्साको महुवन गाउँपालिका ६ स्थायी घर भई हाल काठमाडौँ महानगरपालिका ४ टोखा बस्ने ३८ वर्षीय साईमन बनवारीलाई ५ लाख ३४ हजार १ सय क्याप्सुलसहित पक्राउ गरिएको हो ।

बनवारीले काठमार्डां उपत्यकालाई केन्द्र बनाई बिक्री वितरण गर्न गोदाम नै राखेको पाइएको छ । साथै उनीहरुमाथि नियन्त्रित मनोद्दिपक लागु औषध मुद्धामा म्याद थप भई अनुसन्धान भईरहेको छ।