मर्स्याङदीद्वारा मुख्य बजार र नाकामा सिसिटिभी  क्यामरा जडान 

लमजुङ।  लमजुङको मर्स्याङदी गाउँपालिकाले मुख्य बजार क्षेत्र लगाएत विभिन्न ठाँउमा सिसिटिभी क्यामरा जडान गरेको छ । गाउँपालिकाको मुख्य बजार खुदी, जगत बजार लगायतका ठाँउहरुमा गरी १४ वटा सिसिटिभि क्यामरा जडान गरिएको छ ।  बजार क्षेत्र व्यवस्थापन र अपराधिक गतिविधि न्यूनीकरण साथै पालिकाबासीको सुरक्षालाई मध्यनजर गरी सिसिििटभि क्यामरा जडान गरीएको गाँउपालिका अध्यक्ष अर्जुन गुरुङले बताए । […]

Apr 3, 2025 - 14:26
 0
मर्स्याङदीद्वारा मुख्य बजार र नाकामा सिसिटिभी  क्यामरा जडान 

लमजुङ। 

लमजुङको मर्स्याङदी गाउँपालिकाले मुख्य बजार क्षेत्र लगाएत विभिन्न ठाँउमा सिसिटिभी क्यामरा जडान गरेको छ । गाउँपालिकाको मुख्य बजार खुदी, जगत बजार लगायतका ठाँउहरुमा गरी १४ वटा सिसिटिभि क्यामरा जडान गरिएको छ । 

बजार क्षेत्र व्यवस्थापन र अपराधिक गतिविधि न्यूनीकरण साथै पालिकाबासीको सुरक्षालाई मध्यनजर गरी सिसिििटभि क्यामरा जडान गरीएको गाँउपालिका अध्यक्ष अर्जुन गुरुङले बताए । अध्यक्ष गुरुङका अनुसार पालिकाको मनाङ र बेसीशहर तर्फको सीमाक्षेत्रमा आवतजावत बढी हुने भएकाले सुरक्षा व्यवस्थापन संगै समाजमा घट्न सक्ने विकृतिहरू रोक्न क्यामेरा जडान गरिएको हो ।  

पालिकाले खुदी बजारमा १० वटा र मनाङतर्फ जाने मुख्य नाका जगत बजारमा ४ वटा सिसिटिभी क्यामेरा जडान गरिएको छ । निगरानी प्रणालीलाई प्रभावकारी बनाउन दुबै ठाउँमा रहेका सुरक्षा निकायलाई प्रत्यक्ष पहुँच प्रदान गरिएको छ । यसबाट बजार क्षेत्रमा हुने गतिविधि नियन्त्रण गर्न, अवाञ्छित क्रियाकलाप रोक्न र आपत्कालीन अवस्थामा छिटो प्रतिक्रिया दिन सहज हुनेछ ।

उत्तरी भेगको जगत प्रहरी चौकी पालिका प्रवेशद्धार तथा खुदी बजार क्षेत्रको गतिविधि खुदी प्रहरी चौकीले निगरानी गर्ने गाउँपालिकाले जनाएको छ । पालिका आगामी आर्थिक वर्ष वडा कार्यालय र मानिसको आवतजावत तथा चहल पहल वढी हुने अन्य बजार क्षेत्रमा पनि क्यामरा जडान गर्ने योजना बनाएको छ ।

What's Your Reaction?

like

dislike

love

funny

angry

sad

wow

HamroGlobalMedia तपाईं पनि हाम्रो वेबसाइट मा समाचार वा आफ्नो विचार लेख्न सक्नुहुन्छ। आजै खाता खोल्नुहोस्। https://www.hamroglobalmedia.com/register