गाँजासहित दुई महिला पक्राउ

धनकुटा, ९ जेठ । उदयपुर र धनकुटाबाट लागुऔषध गाँजासहित २ जना महिलालाई प्रहरीले पक्राउ गरेको छ ।

जेठ ८ गते इलाका प्रहरी कार्यालय भेडेटारबाट चेकजाँचमा खटिएको प्रहरी टोलीले धनकुटाको साँगुरीगढी गाउँपालिका–६ भेडेटार स्थितमा प्र १–०२–००१ ज ४४८० नम्बरको यात्रु वाहक गाडीमा सवार रहेकी धनकुटाको सहिदभूमि गाउँपालिका–७ की २६ वर्षीया लक्ष्मी राईलाई ५१ किलोग्राम गाँजासहित पक्राउ गरेको हो ।

त्यसैगरी, जिल्ला प्रहरी कार्यालय उदयपुरबाट खटिएको प्रहरी टोलीले चेकजाँचको क्रममा उदयपुरको त्रियुगा–९ की ४१ वर्षीया शिव माया लुङगेली मगरलाई ८ सय १० ग्राम गाँजासहित पक्राउ गरेको छ ।

The post गाँजासहित दुई महिला पक्राउ appeared first on Jhapa Online.