भिजिट भिसा प्रकरणबारे गृह मन्त्रालयले भन्यो – नेतृत्वको कुनै संलग्नता छैन

काठमाडौं । गृह मन्त्रालयले त्रिभुवन अन्तर्राष्ट्रिय विमानस्थलस्थित अध्यागमन कार्यालयका घटनामा कुनै संलग्नता नरहेको जनाएको छ ।

विभिन्न सञ्चारमाध्यम र सामाजिक सञ्जालमा फैलिरहेका समाचारप्रति ध्यानाकर्षण भएको जनाउँदै मन्त्रालयले यस्ता घटनामा कुनै पनि तहको संलग्नता नरहेको दाबी गरेको छ ।

“कुनैपनि गैरकानुनी वा भ्रष्टाचारजन्य कार्यमा मन्त्रालयको नेतृत्वको कुनै प्रकारको संलग्नता नरहेको र नरहने विषय स्पष्ट पार्दछौं,” मन्त्रालयले जारी गरेको विज्ञप्तिमा उल्लेख छ ।

मन्त्रालयले अध्यागमन कार्य सञ्चालनमा देखिएको समस्याको अनुसन्धान भइरहेको जनाउँदै सत्य विवरण सार्वजनिक हुनेसमेत बताएको छ ।अध्यागमन कार्यालयको कार्यविधि तथा व्यवस्थामा सुधारका लागि गृह प्रशासन सतर्क रूपमा सक्रिय रहेको छ र विभिन्न नीति तथा संस्थागत सुधार कार्यहरु अघि बढाइएको मन्त्रालयले जनाएको छ ।

सादगीबाट दागी बनेका रमेश लेखक