सरकारसँगको वार्ता सकारात्मक : वरिष्ठ उपाध्यक्ष सिटौला

काठमाडौं । नेपाल यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौलाले सरकारसँगको वार्ता सकारात्मक ढंगले अगाडि बढेको बताएका छन् ।

सोमबारको वार्ता निष्कर्षविहीन टुंगिए पनि सो सकारात्क रहेको उनले बताए । सरकार र यातायातबीच मंगलबार पुनः वार्ता हुने सिटौलाले जानकारी दिए ।

भौतिक पूर्वाधार तथा यातायात मन्त्रालयका सहसचिव कृष्णराज पन्थको नेतृत्वमा गठन भएको वार्ता टोली र व्यवसायीबीचको १४ घण्टाको वार्तामा सहमति जुट्न नसकेको हो ।

गण्डकी प्रदेश सरकारले ल्याएको राइड सेयरिङ सञ्चालनसम्बन्धी नियमावलीको खारेजीको माग राख्दै यातायात व्यवसायीले शुक्रबारदेखि सार्वजनिक यातायात ठप्प पारेका छन् ।

उनीहरूले सोमबारदेखि देशैभर सार्वजनिक यातायात बन्द गरेका छन् ।