कर्णाली डेभलपमेन्ट बैंकको सेयर कारोबार रोक्का हुने, महिनौंसम्म नखुल्ने, खुलेपछि पनि भाउ आधा हुने सम्भावना अधिक !

‘भोलि नै नेप्सेलाई आवश्यक निर्देशन दिनेछौँ । हालका लागि कर्णालीको सेयर कारोबार रोक्का हुनेछ ।’ बोर्डका एक अधिकारीले अर्थ सरोकारसँग भने, ‘यसमा आवश्यक आन्तरिक छलफल गरिरहेका छौँ ।’

कर्णालीको सेयर कारोबारको अन्तिम दिन मंगलबार ८३० रुपैयाँमा कारोबार बन्द भएको थियो । सम्भवत: कर्णालीको यो कारोबार नै उचाईंको तत्कालका लागि अन्तिम बिन्दु हुन सक्ने जानकारहरुको तर्क छ ।

यो बैंकलाई राष्ट्र बैंकले टेकओभर गरेपछि अव ऋण उठाउने प्रक्रिया सुरु हुनेछ । राष्ट्र बैंकले ६ महिनादेखि १ बर्षसम्ममा बैंकलाई ठिक अवस्थामा पुर्याउने योजना राष्ट्र बैंकको छ । यद्यपी ऋणहरु ठुलो मात्रामा बिग्रिएका हुनाले र यहि बेला आर्थिक मन्दी भएकाले यो समय अझ लम्बिन सक्छ । केहि हदसम्म ठिक अवस्थामा ल्याएपछि पनि यो बैंकलाई कुनै कमर्सियल बैंकसँग मर्ज गर्ने विकल्पमा प्रारम्भिक छलफल भईरहेको राष्ट्र बैंकका अधिकारीहरुले जनाएका छन् । यस्तो अवस्थामा सेयर कारोबार खुलेको केहि समयभित्र नै यो बैंकको सेयर भाउ अहिलेको आधामा आउने निश्चितप्राय भएको स्वयम् राष्ट्र बैंकका अधिकारीहरुसमेत बताउँछन् ।

बैंक टाँट पल्टिन लागेको खबर सार्वजनिक हुँदा पनि खेलाडीको उक्साहटमा लागेर सोझा लगानीकर्ताहरुले महँगोमा यो कम्पनीको सेयर खरिद गरेका थिए ।