खानेपानीमन्त्री यादवको आरोप – विद्युत् प्राधिकरणको गल्तीले बबरमहलमा पाइप फुट्यो

काठमाडौं । खानेपानीमन्त्री प्रदीप यादवले नेपाल विद्युत् प्राधिकरणको गल्तीका कारण बबरमहल क्षेत्रमा मेलम्ची खानेपानी आयोजनाको पाइप फुटेको आरोप लगाएका छन् ।

बुधबार बबरमहल क्षेत्र जलमग्न भएपछि त्यहाँ पुगेका यादवले यस्तो बताएका हुन् ।

उनले भने, ‘विद्युत् प्राधिकरणको गल्तीले घटना भएको हो । लाइन बिछ्याउने क्रममा गरेको गल्तीका कारणले पाइप फुटेको देखिन्छ । हामी र केयूकेएलसँग नसोधि काम गर्‍यो ।’

उनीसँगै काठमाडौं उपत्यका खानेपानी लिमिटेड (केयूकेएल)का सीईओ अशोक पौडेल पनि बबरमहल पुगेका थिए ।

पाइप फुट्दा निस्किएको पानी वन परिसर, विशेष अदालत, जिल्ला अदालतलगायतका सरकारी कार्यालयमा पसेको छ ।

खानेपानीको पाइप फुट्दा बबरमहल क्षेत्र डुबानमा (तस्वीरहरू)