ममता र इन्दुको धुँवादार ब्याटिङ, कर्णालीलाई १८३ रनको लक्ष्य

काठमाडौं । महिला प्रधानमन्त्री कप क्रिकेटमा एपीएफले कर्णाली प्रदेशलाई १८३ रनको लक्ष्य दिएको छ ।

धनगढीस्थित फाप्ला क्रिकेट मैदानमा जारी खेलमा एपीएफले पूरै २० ओभर खेलेर एक विकेटको क्षतिमा १८२ रन बनाएको हो ।

एपीएफका लागि ममता चौधरीले अर्धशतकीय पारी खेलिन् । ७८ रनमा अविजित रहिन् । त्यसक्रममा उनले १० चौका प्रहार गरिन् ।

इन्दु बर्माले पनि अर्धशतक पारी खेलिन् । उनले ३४ बलमा ७ चौका प्रहार गर्दै ५२ रन बनाइन् ।

ओपनर राजमती ऐरीले २२ रन बनाइन् ।

कर्णालीका लागि दीक्षा पूरीले १ विकेट लिइन् । टस जितेर एपीएफले पहिले ब्याटिङ रोजेको हो ।