आज राति इभी दुर्घटना हुँदा दुई जनाको मृत्यु, १४ जना घाइते

झापा, ५ बैशाख । मकवानपुरको मकवानपुरगढीमा विद्युतीय गाडी (इभी) दुर्घटना हुँदा दुई जनाको मृत्यु भएको छ । उक्त दुर्घटनामा १४ जना घाइते भएका छन् ।

मकवानपुरगढी गाउँपालिका–२ धरमपानीस्थित कान्तिलोकपथ खडक खण्डमा गएराति १ बजेतिर काठमाडौँबाट हेटौँडातर्फ आउँदै गरेको बागमती प्रदेश ०१–००६ ख ७०७२ नम्बरको १६ जना सवार इभी गाडी सडकबाट करिब दुई सय मिटर तल खसेको थियो ।

दुर्घटना हुँदा सर्लाहीको बागमती नगरपालिका–७ बस्ने १३ वर्षीया मानुसी मगर र रौतहटको दुर्गा भवानी गाउँपालिका–५ निवासी ५० वर्षकी निलम देवी राउतको मृत्यु भएको छ ।

The post आज राति इभी दुर्घटना हुँदा दुई जनाको मृत्यु, १४ जना घाइते appeared first on Jhapa Online.