मोबाइल चार्जमा राखेर चलाउनु कति खतरनाक ?

काठमाडौं । आजकल मोबाइल फोनको प्रयोग यति बढेको छ कि मानिसहरू आफ्नो स्वास्थ्यको ख्याल नै राख्दैनन् । अहिले धेरै व्यक्तिहरु मोबाइल चार्ज गर्दा पनि मोबाइल चलाएरै बस्छन् ।

के तपाईं पनि मोबाइल चार्ज गर्दा यसको प्रयोग गर्नुहुन्छ ? यदि हो भने आज हामी तपाईंलाई बताउनेछौँ कि चार्ज गर्दै मोबाइल चलाउँदा कति खतरनाक हुन सक्छ ।

धेरैजसो व्यक्तिहरु चार्जमा हुँदै गर्दा त्यही बसेर मोबाइल चलाउँछन् । जब हामी मोबाइल चार्जमा लगाउँछौँ, तब यसले तातो उत्सर्जन गर्दछ । यस अवस्थामा कहिलेकाहीँ मोबाइल चार्ज हुँदै गर्दा विस्फोट पनि हुन सक्छ । यस्तो घटना नेपालमा पनि हुने गरेको छ । कतिपयले ज्यान गुमाएका छन् भने कतिपय घाइते भएका छन् । यसका साथै, चार्ज गर्दै मोबाइलको प्रयोग गर्दा फोनको ब्याट्रीमा नोक्सान पुग्न सक्छ र फोनको आयु पनि घट्न सक्छ । बारम्बार यसो गर्दा चार्जिङ्गको गति पनि ढिलो हुन जान्छ ।

बच्ने उपाय

सबैभन्दा पहिले तपाईंले मोबाइल चार्ज गर्दैगर्दा यसलाई बन्द गर्नुपर्छ । यदि तपाईं मोबाइलको प्रयोग गर्न चाहनुहुन्छ भने पहिले यसलाई चार्जिङबाट हटाउनुहोस् र त्यसपछि मात्र यसको प्रयोग गर्नुहोस् । चार्ज गर्दै गर्दा ध्यान दिनुहोस् कि तपाईंले जुन चार्जर प्रयोग गर्दै हुनुहुन्छ त्यो आफ्नै मोबाइलको हुनुपर्छ ।

मोबाइल चार्ज हुँदैछ भने यसलाई तातो स्थानबाट टाढा राख्नुहोस् । यसका साथै फोनलाई चार्ज गरिरहेको बेला पानी र भिजेका स्थानबाट टाढा राख्नुहोस् । दुर्घटना भन्ने कुरा जुनसुकै अवस्थामा पनि हुनसक्छ ।

आजसम्म केही भएको छैन चार्ज गरेरै मोबाइल प्रयोग गर्दा केही फरक पर्दैन भन्ने मानसिकता हटाउनुहोस् । पूर्व सावधानी अपनाएमा यस्ता घटनाबाट बच्न सकिन्छ ।