बाजुरामा भूकम्पले १५ घरमा पूर्ण क्षति

बाजुरा, ६ पुस । बाजुरामा आज बिहान गएको भूकम्पबाट १५ घरमा बस्नै नहुने गरी पूर्णरुपमा क्षति भएको छ ।

भूकम्पबाट एक सयभन्दा बढी घरमा क्षति भएको र त्यस मध्ये १५ घरमा बस्नै नहुनेगरी पूर्णरुपमा क्षति भएको प्रमुख जिल्ला अधिकारी मेघनाथ पाध्यायले जानकारी दिनुभयो ।

प्राप्त जानकारीअनुसार भूकम्पले कुनै मानवीय क्षति नभएको र पीडितको उद्धार र राहतका लागि प्रयास शुरु गरिसकिएको पनि प्रमुख जिल्ला अधिकारी पाध्यायले बताउनुभयो । बाजुराको जगन्नाथ गाउँपालिकास्थित गोत्री केन्द्रबिन्दु बनाएर आज बिहान ५ दशमलव २ रेक्टरको भूकम्प गएको थियो ।

The post बाजुरामा भूकम्पले १५ घरमा पूर्ण क्षति appeared first on Jhapa Online.