यू–१९ एसिया कप : नेपालले अफगानिस्तानलाई हरायो

काठमाडौं । एसीसी यू–१९ एसिया कप क्रिकेटमा नेपालले अफगानिस्तानलाई हराउँदै सान्त्वना जित हासिल गरेको छ ।

शारजाह क्रिकेट स्टेडियममा मंगलबार भएको खेलमा नेपालले अफगानिस्तानलाई १ विकेटले पराजित गरेको हो ।

अफगानिस्तानले दिएको १२४ रनको लक्ष्य नेपालले ४१.३ ओभरमा ९ विकेट गुमाउँदै पूरा गर्‍यो ।

नेपालका लागि नरेन साउदले २६ रन जोडे । कप्तान हेमन्त धामी २२ रनमा अविजित रहे ।

नेपालका लागि अर्जुन कुमालले २१ रन बनाउँदा अभिषेक तिवारीले १३ रन जोडे । अन्य खेलाडीले दोहोरो अंक छुन सकेनन् ।

अफगानिस्तानका लागि खातिर खान स्तानिकजाई र अल्लाह गजन्फरले ३–३ विकेट लिए ।

यसअघि ब्याटिङ थालेको अफगानिस्तान ३५.४ ओभरमा १२३ रन बनाएर अलआउट भएको थियो ।

अफगानिस्तानका लागि फैसल सिनोजादाले ५२ र खातिर स्टानिकजाईले १५ रन बनाए ।