एक करोडभन्दा बढीको सुन, चाँदी र नगदसहित कैलालीबाट तीनजना पक्राउ

काठमाडौं । एक करोडभन्दा बढीको सुन, चाँदी र नगदसहित कैलालीबाट तीनजना पक्राउ परेका छन् ।

उनीहरूलाई शनिबार साँझ एक करोड बराबरको सामान र नगदसहित भजनी नगरपालिका–५ स्थित कौवाखेडा सीमा इलाकाबाट सशस्त्र प्रहरी बलको टोलीले पक्राउ गरेको हो ।

पक्राउ पर्नेमा सुर्खेतको चौकुनी गाउँपालिका–१० का ३६ वर्षीय महेन्द्रबहादुर शाही, वीरेन्द्रनगर नगरपालिका –१ का ३१ वर्षीय हर्कबहादुर विक र पञ्चपुरी नगरपालिका–११ का ३२ वर्षीय महेश सुनार रहेका छन् ।

उनीहरूलाई सशस्त्र नं. ३४ गण कैलाली मातहत बोर्डर आउट पोस्ट (बीओपी ) पगियापसारले नियन्त्रणमा लिएको सशस्त्रका सहप्रवक्ता डीएसपी शैलेन्द्र थापाले जानकारी दिए ।