अर्को जित निकाल्दै प्लेअफ सम्भावना बलियो बनाउने दाउमा सुदूरपश्चिम, सुरुवाती लय समात्ने सुरमा चितवन

काठमाडौं । कीर्तिपुरको त्रिवि मैदानमा जारी पहिलो संस्करणको नेपाल प्रिमियर लिग (एनपीएल) क्रिकेटमा आज (आइतबार) पनि दुई खेल हुँदैछन् ।

लिगको आठौं दिनको पहिलो खेलमा लुम्बिनी लायन्स र जनकपुर बोल्ट्सबीच प्रतिस्पर्धा हुनेछ ।

यो खेल कीर्तिपुरस्थित त्रिवि मैदानमा बिहान ९ बजे सुरु हुनेछ ।

आजै हुने दोस्रो खेलमा सुदूरपश्चिम रोयल्स र चितवन राइनोजबीच प्रतिस्पर्धा हुनेछ । यो खेल दिउँसो १ बजे सुरु हुनेछ ।

लयमा रहेको सुदूरपश्चिम लगातार चौथो जित निकाल्दै प्लेअफ सम्भावना बलियो बनाउने लक्ष्यका साथ आज मैदानमा उत्रने छ । सुदूरपश्चिमले पहिलो खेलमा विराटनगर किंग्स, दोस्रोमा काठमान्डु गुर्खाज र तेस्रो खेलमा लुम्बिनी लायन्सलाई पराजित गरेको थियो ।

सुरुवाती दुई खेल जितेको चितवन पछिल्लो खेलमा भने पराजित भएको थियो । काठमान्डु र पोखरा एभेन्जर्सलाई पराजित गरेको चितवन तेस्रो खेलमा कर्णाली याक्ससँग हारेको थियो । यसर्थ आज उ अघिल्ला दुई खेलमा देखाएको प्रदर्शन र हासिल गरेको नतिजालाई निरन्तरता दिन चाहन्छ ।

सुदूरपश्चिमको कप्तान दीपेन्द्रसिंह ऐरी तथा चितवनको कुशल मल्ल छन् ।

सबै खेल हारेको लुम्बिनी दबाबमा, लयमा रहेको जनकपुरलाई हराउनैपर्ने बाध्यता