मदिराको तालमा सिलौटाले हानेर श्रीमतीको हत्या

बुटवल। 

बुटवल उपमहानगरपालिका–११ माझगाउँमा सोमबार एक महिलाको हत्या भएको छ । मदिराको तालमा रहेका श्रीमानले श्रीमतीको ज्यान लिएको प्रहरीले जनाएको छ ।  बुटवल ११ माझगाउँ बस्ने अन्दाजी २६ वर्षीय सागर विकले श्रीमती अन्दाजी २१ -२२ वर्षिया अन्जना बिकको ज्यान लिएका छन् ।

दिउँसो करिब २ बजेतिरको समयमा घरमै बसिरहेका सागरले अन्जनालाई टाउकोमा सिलौटाले हानेर हत्या गरेको इलाका प्रहरी कार्यालय बुटवलका प्रहरी नायव उपरीक्षक विजय राज पण्डितले जानकारी दिए । टाउकोमा गम्भीर चोट लागेको अवस्थामा महिला मृत भेटिएकी हुन । सागरलाई नियन्त्रणमा लिई थप अनुसन्धान सुरु गरेको प्रहरीले जनाएको छ ।