वर्ल्डलिंकको आयोजनामा पोखरामा ‘वर्ल्डलिंक कार्निभल’ हुने

काठमाडौँ । वर्ल्डलिंकले पोखरामा भव्य ‘कार्निभल’को आयोजना गर्ने भएको छ । कार्निभलमा विभिन्न प्रकारका फुड स्टलहरु, बाल‍बच्चाहरुको लागि खेलहरु, विभिन्न प्रकारमा रमाइला खेलहरु रहने वल्र्डलिंकले जनाएको छ ।

यस कार्निभलको मुख्य आकर्षणको रुपमा, ‘द इलिमेन्टस्’ ब्यान्डको प्रस्तुती रहने छ भने विभिन्न स्थानिय कलाकारहरुको बेजोड प्रस्तुती समेत रहने छ । चर्चित कार्यक्रम प्रस्तोता ‘सुजिता श्रेष्ठ’ द्वारा सञ्चालन गरिने यस कार्निभलमा चर्चित डिजे ‘डिजे एमी’को प्रस्तुती समेत रहने छ ।

पोखराको, पामे, चङ्खपुरमा हुन गइरहेको ‘अन्तराष्ट्रिय बलुन फेस्टिभल’ को पाँचौ दिनमा हुन गइरहेको यस कार्निभल, पौष १३ गते २८ डिसेम्बर, शनिबारको दिन बिहान ९ बजे बाट शुरु भइ बेलुकी ५ बजे सम्म रहने छ । यस कार्यक्रममा विभिन्न प्रकारका मनोरञ्जनात्मक खेलहरु, ‘पबजी प्रतियोगिता’, तथा विभिन्न स्टलहरु रहने छन् ।

साथै यसै कार्यक्रममा, ‘बिट द स्पीड’ को प्रतियोगिता समेत हुने वर्ल्डलिंकले जनाएको छ । त्यस प्रतियोगितामा, १४५ किमी प्रति घण्टा भन्दा माथिको बलिङ्ग गर्न सफल भएमा एक प्रतियोगीले ‘आईफोन १६’ उपहार पाउन सक्नेछन् ।

यस कार्निभलमा सहभागि हुन चाहनेहरुको सहजताको लागि वर्ल्डलिंकले पोखरामा पामे सम्मका लागि नि:शुल्क बस सेवा समेत प्रदान गर्ने भएको छ ।