सोनु निगमको कन्सर्टमा राखिएका १५० मदिराको विज्ञापन बोर्ड हटायो महानगरले

काठमाडौं । काठमाडौँ महानगरपालिकाले भारतीय चर्चित गायक सोनु निगमको कन्सर्टस्थलमा  राखिएका मदिराजन्य विज्ञापन बोर्ड हटाएको छ ।

बौद्ध स्थित हायात ग्राउन्डमा आयोजना हुन लागेको कन्सर्टमा अनधिकृत रूपमा मदिराजन्य विज्ञापन बोर्ड राखिएको भन्दै महानगरले ती बोर्ड हटाएको जनाएको छ ।

महानगर प्रहरी बलको विशेष टोली परिचालन गरेर १ ५० भन्दा बढी बोर्डहरू हटाएको हो । मदिराजन्य सामग्रीको विज्ञापनलाई नियन्त्रण गर्ने नीति अन्तर्गत  बोर्डहरू हटाइएको महानगरले जनाएको छ ।

गायक निगमले आज (बुधबार) आफ्नो साङ्गीतिक प्रस्तुति दिँदैछन् ।