धरानको चर्चमा बालबालिकामाथि यौन दुर्व्यवहारको आरोप, प्रशासन र आयोगमा उजुरी

काठमाडौं । केही दिन अघि क्रिसमसको अवसरमा सुनसरीको धरानस्थित एक चर्चमा आयोजित नाटक ‘प्रभूको सृष्टि’ मञ्चन गर्दा बालबालिकामाथि यौन दुर्व्यवहार भएको भन्दै उजुरी परेको छ ।

“हिसप चर्च धरान ” मा नाटक प्रदर्शनका क्रममा आयोजकले बालिकाहरूलाई नग्न बनाउन बाध्य पारेको र तिनका भिडियोहरू सामाजिक सञ्जाल र पोर्न साइटहरूमा अपलोड गरेको आरोप लागेको छ।

यसै क्रममा, नाटकको तयारीका बेला चर्च सञ्चालक आयोजकहरूले बालिकामाथि यौन दुर्व्यवहार र शोषण गरेको भन्दै पीडितहरूले जिल्ला प्रशासन कार्यालय, राष्ट्रिय महिला आयोग, र मानवअधिकार आयोगमा पास्टरको नाम किटानीसहित उजुरी दर्ता गरेका छन्।

घटनालाई गुपचुप राख्न इसाई समुदायका केही पास्टर र अभियन्ताहरूले भित्री बैठक गरेर गल्ती गर्नेलाई संरक्षण दिन खोजेको आरोपसमेत लागेको छ।

पीडित परिवारले न्याय माग्दै घटनाको निष्पक्ष छानबिन र दोषीमाथि कारबाहीको माग गरेका छन्।

स्थानीयवासीले अपराधीलाई संरक्षण दिने प्रवृत्तिले धार्मिक आस्थामाथि प्रहार हुने सामाजिक अगुवाले बताएका छन्।

पीडित पक्षले उजुरी दर्ता गरेपछि प्रशासनले छानबिन प्रक्रिया अघि बढउने जनाएको छ ।