टर्कीको एक होटलमा भिषण आगलागी, ७६ जनाको मृत्यु

झापा, ९ माघ । टर्कीको लोकप्रिय स्की रिसोर्ट होटेलमा लागेको आगलागीमा परी ७६ जनाको मृत्यु भएको छ । केहीले ज्यान बचाउन होटलको झ्यालबाट हामफालेको बताइएको छ ।

टर्कीको बोलुमा रहेको ग्राण्ड कार्टल होटलमा स्थानीय समय अनुसार राति झण्डै साडे ३ बजे आगलागी भएको हो । काठले बनेको १२ तल्ले सो होटलमा आगलागीको समय बिदा मनाउन गएका २ सय ३४ जना रहेका थिए ।

टर्कीको आन्तरिक मन्त्रालयले आगलागी भएको केही घण्टामा १० जनाको मृत्यु भएको प्रारम्भिक जानकारी दिएको थियो । तर होटलभित्र ठूलो संख्यामा मानिसहरु रहेका र काठको संरचना भएकाले छोटो समयमा नै मृतकको संख्या बढेको हो ।

होटलमा आगलागीभएपछि झ्यालबाट हाम फाल्ने प्रयास गर्न २ जनाको मृत्यु भएको छ । होटलमा लागेको आगो नभाउन झण्डै १२ घन्टा लागेको थियो । प्रहरीले होटलका मालिक सहित ९ जनालाई पक्राउ गरी घटनामा विषयमा अनुसन्धान गरिहरेको छ । मृतकहरुको पहिचान हुन बाँकी रहेको जनाइएको छ ।

The post टर्कीको एक होटलमा भिषण आगलागी, ७६ जनाको मृत्यु appeared first on Jhapa Online.