भारतीय कमेडियन कपिल शर्मालाई ज्यान मार्ने धम्की 

एजेन्सी।

भारतीय कमेडियन कपिल शर्मालाई  ज्यान मार्ने धम्की आएको छ। उनलाई इमेल मार्फत ज्यान मार्ने धम्की आएको भारतीय सञ्चारमाध्यमले जनाएका छन् ।

कपिल शर्मा मात्र नभई उनका परिवारका सदस्य र सह–कलाकारलाई पनि ज्यान मार्ने धम्की आएको छ। यो अचम्मको घटना सार्वजनिक भएपछि मुम्बईको अम्बोली पुलिस स्टेशनमा उजुरी दर्ता गरिएको छ। चाखलाग्दो कुरा के छ भने कपिल अघि अभिनेता राजपाल यादव, कोरियोग्राफर रेमो डिसुजा र कमेडियन सुगन्धा मिश्रालाई पनि यस्तो धम्कीपूर्ण इमेल आएको थियो।

यस सम्बन्धमा मुम्बईको अम्बोली पुलिसले धारा ३५१ (३) अन्तर्गत मुद्दा दर्ता गरेको छ। मुद्दा दर्ता भएसँगै प्रहरीले अनुसन्धान थालेको छ। यद्यपि कपिल वा उनको परिवारको तर्फबाट अहिलेसम्म कुनै प्रतिक्रिया आएको छैन। कपिललाई धम्की आएको इमेलको आईपी ठेगाना पाकिस्तानको भएको पनि जानकारी आएको छ।