महाकुम्भ १९५४ : नेहरूलाई हेर्न भागदौड हुँदा एक हजार जनाको मृत्यु

काठमाडौं । भारतको प्रयागराजको सङ्गममा बुधबार बिहान करिब १ः३० बजे कुम्भ मेलामा मौनी अमावस्याको अमृतस्नानका क्रममा भीडभाड हुँदा भागदौड मच्चिएको थियो ।

धेरैको मृत्यु भएको र दर्जनौं घाइते भएको आशङ्का गरिएको छ ।

सन् १९५४ को महाकुम्भमा भएको भागदौडमा करिब एक हजार जनाको ज्यान गएको बताइएको छ ।

१९५४ मा भागदौड

मौनी अमावस्या ३ फेब्रुअरी १९५४ मा थियो । जसका कारण सङ्गममा नुहाउन लाखौँ मानिस आएका थिए ।

यसैबीच बिहान ८–९ बजे मेलामा तत्कालीन प्रधानमन्त्री जवाहरलाल नेहरू आउँदै गरेको खबर फैलियो । यो खबरपछि सङ्गममा नुहाउन आएको भीड पण्डित नेहरू हेर्न जम्मा भए । भीड नागा साधुहरू बसेको ठाउँतिर दौडियो ।

भीडलाई आफूतिर आउँदै गरेको देखेर नागा साधुहरूलाई भीड आफूमाथि आक्रमण गर्न आउँदै गरेको महसुस भयो ।

यसकारण साधुहरू भीडलाई तरवार र त्रिशूल लिएर आक्रमण गर्न दौडे । भागदौड मच्चियो । आफ्नो ज्यान जोगाउन मानिसहरु बिजुलीको पोलमा चढेर तारमा झुण्डिए ।

भागदौडमा एक हजारभन्दा बढीको मृत्यु भएको बताइएको छ । यूपी सरकारले यो दुर्घटनालाई अस्वीकार गर्दै आएको छ । उसले यो दुर्घटनामा कसैको ज्यान नगएको तर, एक फोटोग्राफरको तस्वीरले सरकारलाई कठघरामा उभ्याएर राजनीतिक हङ्गामा मच्चाएको थियो ।

पण्डित नेहरूले संसद्‌मा यसबारे बयान दिनुपरेको थियो । यो दुर्घटनामा करिब एक हजार जनाको मृत्यु भएको थियो ।

…अनि कुम्भमेलामा मच्चियो भागदौड