न्यु स्टार पोल क्वाटरफाइनलमा

काठमाडौं ।

न्यु स्टार पोल नवौं अर्किड कप सेभेन ए साइड अन्तरविद्यालय जुनियर छात्र फुटबल प्रतियोगितामा बुधबार क्वाटरफाइनलमा प्रवेश गरेको छ ।
काँडाघारीस्थित आयोजक अर्किड प्युपल सेकेन्डरी स्कुलमा भइरहेको प्रतियोगितामा न्यु स्टारले उज्जवल तारालाई १–० गोलले पराजित ग¥यो । प्रनिश बुढाथोकीले निर्णायक गोल गरे ।

बेस्ट ग्रुप भिजन, गेटवे एकेडेमी र कौस्तुभ पनि क्वाटरफाइनलमा स्थान सुरक्षित गर्न सफल रहे । बेस्ट ग्रुपले गोल्डेन बडलाई १–० गोलले हरायो । एलिश तामाङले गरेको गोलनै निर्णायक बन्यो ।

गेटवेले पिस प्वाइन्टलाई २–१ गोले पाखा लगायो । गेटवेका अनुप तामाङ र उत्सव कार्कीले गोल गरे । पिस प्वाइन्टका सन्देश मैनालीले १ गोल फर्काए । कौस्तुभले नेक्ससलाई टाइब्रेकरमा ३–२ गोलले पन्छायो । निर्धारित समयको खेल २–२ गोलको बराबरीमा टुंगिएको थियो ।
प्रतियोगितालाई सिफलस्थित आशा बुक्सले आर्थिक सहयोग गर्ने भएको अर्किडका सञ्चालक प्रेमकुमार भुजेलले जनाएका छन् ।