च्याम्पियन्स ट्रफी : सेमिफाइनलमा यी टोलीबीच हुनसक्छ भिडन्त

काठमाडौं । च्याम्पियन्स ट्रफी २०२५ का दुई लिग खेल बाँकी छ ।

समूह ‘बी’बाट सेमिफाइनलमा को छनोट हुने भन्ने कुरा निर्धारण गर्न शनिबार दक्षिण अफ्रिका र इङ्ग्ल्याण्ड भिड्दैछन् । प्रतियोगिताको अन्तिम लिग खेल आइतबार दुबईमा भारत र न्युजिल्याण्डबीच खेलिनेछ ।

भारत र न्युजिल्याण्डबीचको खेलको नतिजापछि कुन टोली शीर्ष स्थानमा रहनेछ र अन्तिम-४ मा कसको सामना गर्नेछ भन्ने कुरा थाहा हुनेछ ।

स्मरण रहोस्, शुक्रबार अष्ट्रेलिया र अफगानिस्तानबीचको समूह-बी को खेल वर्षाका कारण रद्द भएको थियो । अष्ट्रेलियाली टोली समूह ‘बी’बाट सेमिफाइनलमा पुग्ने पहिलो टोली बन्यो ।

अफगानिस्तान अझै पनि च्याम्पियन्स ट्रफी २०२५ को सेमिफाइनलको दौडबाट पूर्ण रूपमा बाहिरिएको छैन । यदि इङ्गल्याण्डले दक्षिण अफ्रिकालाई ३०१ रनको लक्ष्य दिन्छ र त्यसपछि दक्षिण अफ्रिकालाई २०७ रनमा सीमित गर्छ भने अफगानिस्तान सेमिफाइनलको लागि छनोट हुनेछ ।

हाल दक्षिण अफ्रिका र अफगानिस्तान दुवैको ३-३ अङ्क छ । लगातार दुई खेल हारेपछि इङ्ल्यान्ड दौडबाट बाहिरिएको थियो ।

समूह ‘ए’को शीर्ष टोलीले सेमिफाइनलमा समूह ‘बी’को दोस्रो टोलीको सामना गर्नेछ । त्यस्तै समूह ‘बी’को शीर्ष टोलीले समूह ‘ए’को दोस्रो स्थानमा रहेको टोलीसँग प्रतिस्पर्धा गर्नेछ ।

भारतीय टोलीले आइतबार न्युजिल्याण्डसँग आफ्नो अन्तिम लिग खेल खेल्नेछ । यो खेलको विजेता टोली शीर्ष स्थानमा पुग्नेछ ।

हाल, न्युजिल्याण्ड समूह ‘ए’को शीर्ष स्थानमा छ किनभने यसको नेट रन रेट भारतभन्दा राम्रो छ ।

यदि अष्ट्रेलिया समूह ‘बी’को शीर्ष स्थानमा रह्यो र भारत आइतबार हार्‍यो भने अष्ट्रेलिया र कङ्गारु टोली सेमिफाइनलमा भिड्नेछन् ।

यदि दक्षिण अफ्रिका समूह ‘बी’को शीर्ष स्थानमा रह्यो र भारतले आफ्नो अन्तिम खेल हार्‍यो भने यी दुई टोली सेमिफाइनल खेल्नेछन् ।

यसबाहेक यदि भारतले आफ्नो अन्तिम लिग खेल जित्यो र दक्षिण अफ्रिका आफ्नो अन्तिम खेलमा झिनो अन्तरले हार्‍यो भने दुवै टोली सेमिफाइनलमा आमनेसामने हुनेछन् ।

यदि भारत समूह ‘ए’को शीर्ष स्थानमा रह्यो र दक्षिण अफ्रिकाले इङ्ल्यान्डसँग ठूलो हार व्यहोर्‍यो भने अफगानिस्तान सेमिफाइनलमा पुग्नेछ ।

त्यसपछि सेमिफाइनल खेल भारत र अफगानिस्तानबीच हुनसक्छ ।