तीनवटै खेल हारेर समूह चरणबाटै बाहिरिएको इङ्ल्यान्डका दुई खेलाडी बढी रन बनाउनेको शीर्ष स्थानमा

काठमाडौं । च्याम्पियन्स ट्रफी क्रिकेट प्रतियोगितामा एउटा दुर्लभ कीर्तिमानी अग्रता कायम भइरहेको छ ।

तीनमध्ये एक खेल पनि नजिति समूह चरणबाटै बाहिरिएको इङ्ल्यान्डका ब्याटर बेन डकेट र जो रुट सर्वाधिक रन लिने खेलाडीको सूचीमा अगाडि छन् । उनले तीन खेलबाट २२७ रन बनाए ।

यस क्रममा डकेटले अष्ट्रेलियाविरुद्ध शतकीय पारी खेल्दै १६५ रन बनाए । उनको स्ट्राइक रेट १०८.६१ रहेको छ ।

दोस्रो स्थानमा पनि इङ्ल्यान्डकै जो रुट दोस्रो स्थानमा छन् । रुटले तीन खेलमा २२५ रन बनाएका छन् । रुटले अफगानिस्थानविरुद्ध सर्वाधिक १२० रन बनाएका थिए ।

सूचीको तेस्रो स्थानमा फाइनलमा पुगेको भारतका विराट कोहली छन् । चार खेल खेलेका उनले हालसम्म २१७ रन बनाएका छन् । उनले पाकिस्तानविरुद्ध शतक प्रहार गरेका थिए । अब कोहलीले फाइनलमा ११ रन बनाएमा डकेटलाई उछिन्ने छन् ।

च्याम्पियन्स ट्रफीमा अब एउटा सेमिफाइनल र फाइनल खेल मात्र बाँकी छन् ।

दाबेदार मानिएको दुई पटकको विजेता अष्ट्रेलिया भारतसँग पराजित भएर सेमिफाइनलबाटै बाहिरिएपछि अब तीन टोली मात्र बाँकी रहेका हुन् ।

दोस्रो सेमिफाइनलमा आज (बुधबार) समान एक पटकका विजेता दक्षिण अफ्रिका र न्युजिल्यान्ड भिड्दैछन् । याे खेल नेपाली समयअनुसार दिउँसो २ः४५ बजे पाकिस्तानको लाहोरस्थित गद्दाफी रङ्गशालामा हुनेछ ।

आजको विजेताले मार्च ९ तारिखमा भारतसँग उपाधि भिडन्त गर्नेछ । फाइनल खेल यूएईको दुबई अन्तराष्ट्रिय रङ्शालामा हुनेछ ।

दक्षिण अफ्रिका विगतमा न्युजिल्यान्डमाथि हाबी