क्यानडाको प्रधानमन्त्रीबाट राजीनामा दिएपछि ट्रुडो कुर्सी बोकेर बाहिरिए

काठमाडौं । क्यानडाका प्रधानमन्त्री जस्टिन ट्रुडो पदबाट राजीनामा दिएपछि रमाइलो शैलीमा संसद्‌बाट कुर्सी नै बोकेर बाहिरिएका छन् ।

कुर्सी बोकेर बाहिरिँदै गरेका ट्रुडोले जब क्यामेराको सामना गरे त्यसपछि उनले जिब्रो निकालेका थिए । अहिले उनको यो तस्वीर सामाजिक सञ्जालमा भाइरल भइरहेको छ ।

परम्पराअनुसार क्यानाडाली सांसदहरूले संसद्‌बाट बाहिर निस्कँदा आफ्नो कुर्सी पनि साथमा लैजान पाउने अनुमति छ ।

टोरन्टो सनका राजनीतिक स्तम्भकार ब्रायन लिली भन्छन्, “जब कुनै पनि सांसद कमन्सबाट बाहिरिन्छन्, उनीहरूलाई आफ्नो कुर्सी, आफ्नो सिट आफूसँगै लिन अनुमति दिइन्छ । मलाई यो एउटा महान परम्परा लाग्छ, जसलाई म समर्थन गर्छु । यसो भनिए पनि यो ट्रुडोको आफ्नो अनौठो तस्वीर हो । साथै, सायद आसन्न चुनावको अर्को सङ्केत ।”

When any MP leaves the Commons, they are allowed to take their chair, their seat with them.
I find it a great tradition, one that I support.
That said, this is a weird photo of Trudeau leaving with his. Also, perhaps another sign of a looming election. pic.twitter.com/fZ8jb0Frxw

— Brian Lilley (@brianlilley) March 10, 2025