प्रतिबन्धित लागूऔषध ब्राउनसुगर र निषेधित औषधीसहित पाँच जना पक्राउ

विराटनगर, १४ चैत । मोरङ, सुनसरी र धनकुटा जिल्लाको विभिन्न स्थानबाट प्रतिवन्धित लागूऔषध ब्राउनसुगर र निषेधित औषधिसहित ५ जनालाई प्रहरीले पक्राउ गरेको छ ।

चैत १३ गते मोरङको विराटनगर महानगरपालिका–१५ स्थितमा लागुऔषध नियन्त्रण ब्यरो विराटनगरबाट चेकजाँचमा खटिएको प्रहरी टोलीले ब्राउनसुगर ५ ग्रामसहित सुनसरीको धरान–१३ का ३५ वर्षीय राजकुमार राई, मोरङ उर्लाबारी–२ का ३१ वर्षीय सन्दिप कटुवाललाई ३ ग्राम ब्राउनसुगरसहित र पथरी शनिश्चरे–१० का ३२ वर्षीय प्रेमबहादुर तामाङलाई १० ग्राम ३० मिलिग्राम ब्राउनसुगरसहित पक्राउ गरेको छ ।

यसैगरी, सुनसरीको अस्थायी प्रहरी चौकी अमरहाटबाट खटिएको प्रहरी टोलीले चेकजाँचको क्रममा धरान–१७ का २२ वर्षीय पासाङ तामाङ र २४ वर्षीय सुमन राईलाई ट्रामाडोल ३९७ क्यापसुल र स्पास्पेन ७ ट्याव्लेट सहित पक्राउ गरेको छ ।

The post प्रतिबन्धित लागूऔषध ब्राउनसुगर र निषेधित औषधीसहित पाँच जना पक्राउ appeared first on Jhapa Online.