दिल्लीलाई ७ विकेटले हराउँदै गुजरात शीर्ष स्थानमा
काठमाडौं । गुजरात टाइटन्सले शनिबार भएको खेलमा दिल्ली क्यापिटल्सलाई ७ विकेटले पराजित गरेको छ। यो जितसँगै गुजरात अङ्क तालिकाको शीर्ष स्थानमा उक्लिएको छ। दिल्लीले दिएको २०४ रनको लक्ष्य गुजरातले १९.२ ओभरमा मात्र ३ विकेट गुमाएर पुरा गर्यो । गुजरातको जितमा जोस बटलरले अविजित ९७ रनको उत्कृष्ट पारी खेले। उनलाई शेरफान रुथरफोर्डले ४३ र साइ सुदर्शनले […]
काठमाडौं । गुजरात टाइटन्सले शनिबार भएको खेलमा दिल्ली क्यापिटल्सलाई ७ विकेटले पराजित गरेको छ। यो जितसँगै गुजरात अङ्क तालिकाको शीर्ष स्थानमा उक्लिएको छ।
दिल्लीले दिएको २०४ रनको लक्ष्य गुजरातले १९.२ ओभरमा मात्र ३ विकेट गुमाएर पुरा गर्यो । गुजरातको जितमा जोस बटलरले अविजित ९७ रनको उत्कृष्ट पारी खेले। उनलाई शेरफान रुथरफोर्डले ४३ र साइ सुदर्शनले ३६ रन बनाएर राम्रो साथ दिए।
यसअघि टस हारेर पहिले ब्याटिङ गरेको दिल्लीले २० ओभरमा ८ विकेट गुमाउँदै २०३ रन बनाएको थियो। दिल्लीका लागि कप्तान अक्सर पटेलले सर्वाधिक ३९ रन बनाए भने आशुतोष शर्माले ३७, करुन नायर र ट्रीस्टान स्टब्सले ३१-३१ रनको योगदान दिए। गुजरातका बलर प्रसिद्ध कृष्णले उत्कृष्ट बलिङ गर्दै ४ विकेट लिए भने मोहमद सिराज, अर्षद खान, इशान्त शर्मा र साइ किशोरले एक-एक विकेट हात पारे।
यो जितपछि गुजरातले ७ खेलमा ५ जितसहित १० अंक जोडेर तालिकाको शीर्ष स्थान कब्जा गरेको छ। समान ७ खेलमा १० अंक भए पनि दिल्ली क्यापिटल्स दोस्रो स्थानमा झरेको छ।
What's Your Reaction?
