भारतमा बेचिन लागेका आमा छोरीसहित तीन जनाको उद्धार

गोरखा, ११ बैशाख । भारततर्फ बेच्न लाँदै गरेका तीन महिलाहरूको उद्धार गरिएको छ । आरुघाट गाउँपालिकाकी ३७ वर्षीय महिला, उनी छोरी र छोरीकी साथीलाई विशेष सुराकीका आधारमा वीरगञ्जबाट उद्धार गरी ल्याएको प्रहरीले जनाएको छ ।

आरूघाट गाउँपालिका बस्ने ३७ वर्षकी एक महिलालाई विगत २, ३ दिनदेखि राजेश राजेश नाम गरेको फेसबुक साथीले भारतमा आकर्षक जागिर लगाइदिने प्रलोभन देखाई निज र निजकी १५ वर्षकी छोरी तथा छोरीका १५ वर्षका साथीहरू समेतलाई भारततर्फ लैजाँदै गरेको थाहा पाएलगत्तै प्रहरीले उद्धार प्रक्रिया अगाडि बढाएको प्रहरी निरीक्षक ध्रुवप्रसाद शर्माले बताउनुभयो ।

ग्लुस्टिक प्याकेजिङ गर्ने काममा लगाइदिने, काम सजिलो, तलब पनि धेरै हुने भन्दै लोभ्याएर लैजाँदै गरेको उनीहरूले जानकारी दिएका छन् । दुई बालिका र एउटा छोरी मान्छेको गतिविधि बारेमा शङ्का लागेर गोरखा आरुघाट रुटमा चल्ने बसका चालकले प्रहरीलाई खबर गरेका थिए । उनले दिएको सूचनाका आधारमा प्रहरीले पछ्याउँदै गएर विरगञ्ज पुगेर उनीहरूको उद्धार भएको हो ।

ती तीन महिलाहरूलाई जिप्रका गोरखाले आफन्तको जिम्मा लगाइसकेको जनाएको छ । राजेश राजेश नामको फेसबुक एकाउन्ट चलाउने व्यक्तिको खोजी कार्य भइरहेको प्रहरी निरीक्षक शर्माले जानकारी दिनुभयो ।

The post भारतमा बेचिन लागेका आमा छोरीसहित तीन जनाको उद्धार appeared first on Jhapa Online.