राजसंस्था पुनर्स्थापनाका लागि धार्मिक तथा जनजागरण अभियान (तस्वीरहरू)

काठमाडौं । राजसंस्था पुनर्स्थापनाका लागि संयुक्त जनआन्दोलन समितिले धार्मिक तथा जनजागरण अभियान आरम्भ गरेको छ ।

शनिबार काठमाडौंको जमल क्षेत्रबाट समितिले धार्मिक तथा जनजागरण अभियान आरम्भ गरेको हो । कार्यक्रममा संयुक्त जनआन्दोलन समितिका संयोजक नवराज सुवेदी, राप्रपाका अध्यक्ष राजेन्द्र लिङ्देन, राप्रपा नेपालका अध्यक्ष कमल थापालगायत नेताहरु सहभागी भएका थिए ।

अभियानका क्रममा संवैधानिक राजसंस्था र सनातन हिन्दुराज्य सहितको बहुदलीय प्रजातन्त्र कायम गर्नेसहितको जनआन्दोलनको लक्ष्यकाबारे जनतासंग साक्षात्कार गरिने संयुक्त जनआन्दोलन समितिले जनाएको छ ।

जेठ १५ गतेदेखि सुरु हुने जनआन्दोलनमा सहभागिताका लागि आह्वान सहितको धार्मिक तथा जनजागरण घरदैलो अभियान गरिएको राप्रपाका प्रवक्ता मोहन श्रेष्ठले जानकारी दिए ।

तस्वीर – नेपाल फोटो लाइब्रेरी