भारतमा कोभिड-१९ सङ्क्रमित बढ्दै, सबैभन्दा धेरै केरलामा

काठमाडौं । भारतमा कोभिड-१९ का केस बढ्दै गएको छ । स्वास्थ्य तथा परिवार कल्याण मन्त्रालयअनुसार देशमा कोभिड-१९ का कुल १००९ सक्रिय केस छन् ।

केरला राज्यमा सबैभन्दा धेरै ४३० सक्रिय केस छन् । त्यसपछि महाराष्ट्रमा २०९ र दिल्लीमा १०४ पुष्टि भएका केस छन् ।

कुन राज्यमा कति सक्रिय केस ?

केरला – ४३०

महाराष्ट्र- २०९

दिल्ली – १०४

गुजरात – ८३

तमिलनाडु – ६९

कर्नाटक – ४७

उत्तर प्रदेश – १५

राजस्थान -१३

पश्चिम बंगाल – १२

हरियाणा – ९

पुडुचेरी – ९

आन्ध्र प्रदेश – ४

मध्य प्रदेश – २

तेलंगाना-१

गोवा – १

छत्तीसगढ – १

समाचार एजेन्सी पीटीआईकाअनुसार कर्नाटकका स्वास्थ्यमन्त्री दिनेश गुन्डु रावले चिन्ता लिनुपर्ने अवस्था नरहेको बताएका छन् ।

रावले भने , “अवश्य पनि हामीले दक्षिण पूर्वी एसियाली देशहरूमा कोभिड-१० को बढ्दो केसहरूको बारेमा सुनेका छौं, तर त्यहाँ पनि संक्रमण हल्का रहेको छ । भारतमा रिपोर्ट गरिएका कोभिड-१९ का केसहरू पनि हल्का छन् । महाराष्ट्र र अन्य केही ठाउँमा केही मृत्यु भएका छन्, तर यी मृत्युहरू कोभिडसँग प्रत्यक्ष रूपमा सम्बन्धित छैनन् । यी केसहरूमा अन्य रोगहरू पनि थिए ।”